مردن داڵگ و دویەتیگ و زەخمداری باوگە لە ئاگر ماڵیگ لە بەسرە

شەفەق نيوز - بەسرە 

ئاگریگ دڵتەزن لەناو ماڵیگ لە ناوچەی قیبلە لەناوڕاس شار بەسرە هیزگرد، کە بویە مدوو کوشیان داڵگ و دویەتیگ و زەخمداری باوگە وەسزیان سەختیگ و ئەرا خەسەخانە بریا.

 سەرچەوەیگ ئەمنی ئەرا ئاژانس شەفەق نیوز وت: تیمەیل وەرگری شارستانی دویای تەقەلایەیل گەورەیگ توەنستن ئاگرەگە کپەو کرد، لە وەختیگ ئاگرەگە ماڵەگە سزانوێد.

 وتیش: تەرم قوربانیەیل ئەرا پزشک دادوەری بریان، و لایەنەیل پەیوەندیدار دەسکردنە لێکۆڵینەوە ئەرا رەسین وە بندروس رویداوەگە.

دویای ئەوە، سەرچەوەیگ ئەمنی ئەرا ئاژانس شەفەق نیوز وت: کابرایگ دەسگیر کریا وە توومەت ئاگردان ماڵەگەی دویای دەمەقاڵیگ وەرد براکەی کە لەو رویداوە زەخمدار بوی.