ماوەی 3 رووژ وەردەوام بوود و "لافاو" دروسکەێد .. شەپوولیگ نزم وە چالاکی بەرزیگ دەێد لە عراق
2024-02-14T08:51:05+00:00
شەفەق نیوز/ کەشناس عەلی جابر زیادی مەزەنەکرد، عراق وەردەوام بوود لە رویوەڕوی بوین وەرد شەپوول نزمیگ واران وارین وە چالاکی بەرزیگ، هەمیش هووشداری دا لە دروسبوین لەفاو لە سێ شوین.
زیادی وە ئاژانس شەفەق نیوز وت، "مەزەنەیل دیاریکەن فرەیگ لە شارەیل وڵاتەگە وەردەوامن لە رویوەڕویبوین شەپوولیگ واراناوی وە چلاکی بەرزیگ کە بوودە مدوو واران وارین وە تونی ناوڕاسیگ لە ناوچە جیاوازەیل فرەجار وە تونی رفتیگ، کە لە ئمڕوو چوارشەممە دەسوەپی کەێد تا رووژ شەممە وەردەوامە".
هووشداریدا "لە کەرکوک و سلێمانی و خوەرهەڵات تکریت و لە خانقین و کەلار لافاو دروسبوود" وتیش "واران رفتیگ لە ناوچەیل بەغداد و کەربەلا و ئەنبار و شارەیل خوەرهەڵات وڵاتەگە و بەشەیل باشوور وارێد وە تایبەت لە رووژ پەنجشەممە و جومعە".
زیادی مەزەنەکرد، واران وە قوناغەیل یەک لەدویای یەک بوود، وسێد و گاجار وەردەوام بوود، لە شەوەکی رووژ شەممە کەمەوبوود، لە رووژ یەکشەممە واران گلەوخوەێد وە دیارکریاگی لە بەشەیل باکوور.
