ماشین تونیگ زیاتر لە ١٠٠ پەس لە ئەنبار تلنێد.. وێنە    

شەفەق نیوز/ سەرچەوەیگ ئەمنی وەرپرس لە وەڕێوبەرایەتی پۆلیس ئەنبار، ئمڕوو پەنجشەممە، خەوەردا لە رووداویگ هاتوچوو بۊیە هووکار مرداربۊن زیاتر لە ١٠٠ سەر کاوڕ لە خوەرئاوای پارێزگاگە.        

سەرچەوەگە ئەرا ئاژانس شەفەق نیوز وت: دۊیەشەو لەوەخت دیریگ،  لەبان ری ناودەوڵەتی زۊینە،  رووداویگ هاتوچوو بۊیە هووکار مرداربۊی زیاتر لە ١٠٠ سەر پەس، ک خاوەنی هالە ئاواییگ لەو ناوە، و دیاری کرد ک ماشینیگ مارکەی GMC وە تونی هاتیە  و وەناکاوەو ئەو رێنە لەناوی خوەی دیە، نەڕەسیە برێک بگرێد، تا بڕ فرەیگ لەلی تلانیە.    

سەرچەوەگە دیاری کرد ک خوەن ماشینەگە و کەسیگ تر وەگەردی لەناو ماشینەگە بۊیە، تۊش زەخمەیل سووکیگ هاتنە، و ئەوەسا خاوەن ماشینەگە گشت زەرەدەگە هەڵگرێد، و نزیکەی ٢٠٠ دۆلار باج هەر کاوڕیگ دەێد.