ماره‌يل ژه‌هراوى له ناحيه‌يگ له به‌سره زه‌نگ مه‌ترسى كوتن
شه‌فه‌ق نيوز/ ناحيه‌ى سيبه له باشوور پاريزگاى به‌سره، وشدارى دا له ديارده‌ى ماره‌يل ژه‌هراوى ك وه‌ل به‌رزه‌وبوين پله‌ى گه‌رما خوه‌يان له ناحيه‌گه ده‌رخه‌ن و ئه‌گه‌ره‌يل ئه‌وه‌يش كريه‌ێد تويش هاووڵاتيه‌يل و كارگه‌ره‌يل خزمه‌تگوزارى بان.
له‌ى باوه‌ته‌و، ئه‌حمه‌د هيلال روبه‌يعى وه‌ريه‌وبه‌ر ناحيه‌گه له باسيگ ئه‌را شه‌فه‌ق نيوز وت: مار له ناحيه‌گه هه‌ر له ئيسه‌وه خه‌ريكه وه‌ل به‌رزه‌وبوين پله‌ى گه‌رمى خوه‌يان ئه‌خه‌نه ده‌يشت و مه‌ترسى ئه‌وه‌يش كريه‌ێد تويش هاووڵاتيه‌يل بان له ماڵه‌يل.
جى باسه، روبه‌يعى، وت: بڕيگ له ماره‌يل كه‌فتنه‌سه وه‌رچه‌و له‌وه‌ختيگ كارگه‌ره‌يل له كه‌رت كاره‌با خه‌ريك مه‌شق كاره‌يليان بوينه‌و بڕيگيش له‌و ماره‌يله كوشيانه و له هه‌مان وه‌خت داوايش له لايه‌نه‌يل ته‌ندروستى كرد ده‌رمان دژ گه‌زه‌ى ئه‌و ماره‌يله ده‌سه‌وه‌ر بكه‌ن.
