لەوەر هاوردە.. شامی سەڵاحەدین داد لە بازاڕ شکیانی کەێد

شەفەق نیوز/ کشاوەرزیل سەڵاحەدین، داد لە بازاڕ شکیان بەرهەم شامی و ئەرزانی نرخەگەی کردن، لەوەر هاوردەی شامی و زاڵبوینی لەبان بازاڕ پارێزگایل. 

سەرۆک یەکێتی کۆمەڵەیل جفتیاری لە سەڵاحەدین، کەریم کوردی دلێمی ئەرا ئاژانس شەفەق نیوز وت: بەرهەم شامی ئی وەرزە فرەس و فرە خاسە، باوجی فرووشتنی زیان لە شکیان بازاڕی و ئەرزانی نرخی وەگورەی خەرج کاڵینی دیرێد.  

دلێمی دیاری کرد ک؛ نرخ شامی ئەرا کەمتر لە ٥٠٠ دینار ئەرا یەک کێلو داوەزیا،  لەوەر زاڵبوێن شامی هاوردە لەبان بازاڕەیل،  و وازهاوردن بازرگانەیل لە شامی سەڵاحەدین،  لەوەر خەرجەگەی، و دویری سەڵاحەدین  لەو پارێزگایل.  

دلێمی وتیش: شامی ئیسە لە ناوچەیل سامەڕا و بەلەد و دجێل و سەڵاحەدین فرە هەس، باوجی کشاوەرزەیل زەرەد گەورەیگ کردن، هەرچەن وەرز شامی وەرزیگ کشتوکاڵی ستڕاتیژی نییە.