لەوەر مرافەیگ لەناو چایخانە.. ٣ کەس گەنجیگ وە چەقو کوشن

شەفەق نیوز/ سەرچەوەیگ ئەمنی لە پارێزگای میسان، ئمڕوو سێشەممە، خەوەردا لە کوشیان کەسیگ دۊای مرافەیگ ک دۊەکە لەناو یەکیگ لە چایخانەیل بۊە. 

سەرچەوەگە ئەرا ئاژانس شەفەق نیوز وت: دۊکە مرافەیگ کەفتە ناوبەین ئاموزایلیگ لەناو چایخانەیگ لە قەزای مجەر کەبیر لە پارێزگای میسان،  و ئمڕوو مرافەگە وە چەک چەرمک نووەو بۊ. 

سەرچەوەگە دیاری کرد ک نووەبۊن مرافەگە ئمڕوو بۊە هووکار کوشیان کەسیگ دۊای ئەو چەن چەقویگ تیژ لەلی دریا، وتیش: هیزیگ ئەمنی دەورگرد شۊن رۊداوەگە گرد، و تەرم گەنجەگە رەسانە پزشک یاسایی، و دوان لەوانەگ مرافەگە نانەسەو دەسگیر کریان، و سێیەم کەسەگە وەرەو شۊن نادیاریگ وای ک خوەی بکوشەگەس.