لەوەر گەرمی و کارەبا.. فەرمانبەرەیل عراق داوای کەمەوکردن ساعەتەیل دەوام فەرمی کەن
شەفەق نیوز/ شمارەیگ لە فەرمانبەرەیل فەرمانگەیل وڵات، ئمڕوو پەنجشەممە، داوای کەمەوکردن ساعاتیگ لە وەخت دەوام فەرمی کردن وە مدوو بەرزەوبوین پلەی گەرمی و بڕیان کارەبا ئەرا ماوەی فرەیگ.
فەرمانبەر سامی ناتق ئەرا ئاژانس شەفەق نیوز وت: "ئیمە چیمنە ناو تاوسان و پلەی گرمی فرە بەرزەو بویەسە مدوو بڕیاڕیان کڕ کارەبا و رەسینی ئەرا کەمترین بڕ دابینکردن، و کاریگەری نەرێنی و لەبان کارکردن دروسکردیە، دیرکەفتن کارەیل سەردانکەرەیل و ئاستەنگی پەیوەنیکردن وەرد هاوڵاتیەیل سەردانکەر".
وتیش؛ "کەمکردنەگە بوودە مدوو کەمەوبوین فیشار لەبان تووڕ کارەبا، وە یەیش بارگرانی لەبان هاوڵاتیەیل وە گشتی و فەرمانبەرەیل وە تایبەتی کەمەوکەێد و کەمتر وزەی کارەبا وەکارتێد".
فەرمانبەرەیگ لە وەزارەت پیشاسازی حەیدەر محەمەد وە ئاژانس شەفەق نیوز راگەیان،، "فەرمانبەرەیل وەزارەتەگە وەدەس بەرزی پلەی گەرمی ناڵن کە رەسێد ەزیاتر لە 45 پلە و بڕیان یەک لەدویای یەکەیل کارەبا وە هووکارەیل جیاواز".
داوا لە حکومەت کەێد "ساعەتەیل دەوام کەمەوبکەن لە ساڵ پارەکە هویچ بڕیاریگ وە لایەن حکومەتەو جیوەجینەکریا".
