لەوەر گەرمی.. دوو پارێزگای عراق پەک دەوام فەرمی سوو خەن

مەیسەم عەبدولئیلاە پارێزگار دیوانیە لە بەیاننامەیگ رەسیە ئاژانس شەفەق نیوز، پەکخستن دەوام فەرمی ئەرا سوو پەنجشەممە 27-7-2023 لە دامودەزگایل دەوڵەت لەوەر بەرزەوبوین پلەی گەرمی راگەیان، و ریداین وە برا پرسەکەرەیل لە شەو عاشوورای ئیمام حسێن.

پارێزگار دیوانیە فەرمانگەیل خزمەتگوزاری و ئەمنی و بانکەیل لە پەکخستن دەوام دەرکرد، تا ریکارەیل بەشەوکردن موچەی فەرمانبەرەیل تەواو بکەن. 

لەلای خوەییش، محمد جەمیل مەیاحی پارێزگار واست وت؛ ئەرا وازکردن ری ئەرا باوەڕدارەیل وە جیوەجیکردن زیارەت شەو عاشوورای ئیمام حسێن، و لەوەر بەرزەوبوین پلەی گەرمی، بڕیار دریا رووژ پەنجشەممە 27-7-2023 بوودە پشوو فەرمی.