لەوەر جەنگ.. کەشتیەیلیگ بار گەنم کردنە وەرەو عراق لە دەریا گیر هاتنە
شەفەق نيوز/ هەفت کەشتی ئەمریکی، فرەیان ئەرا عراق گەنم بار کردنە، تویش دیرکەفتن لە ریەیلیان لەناو دوو ری دەریایی سەرەکی لە خوەرھەڵات ناوڕاس هاتنە، لە ئەنجام جەنگ ئیسرائیل و ئیران، وەگورەی بەیاننامەیل کۆمپانیای "ستاندەرد ئاند بورز گلوبال كوموديتيز ئات سی".
ئەو کۆمپانیای ئەمریکیە کە بارەگای ها نیویۆرک لە راپۆرتیگ رەسیە ئاژانس شەفەق نیوز وت: ئی دیرکەفتنە لە سای ئاگادارکردن ئیران لە 14 خ/حوزەیران تیەێد، کە وت: پەلامار کەشتیەیلیگ دیاریکریای دەێد لە نزیک خەلیج عەرەبی و دەریای سوور ئەگەر پشتگیری لە ئیسرائیل کردن، کە کاریگەری لەبان جویلەی بار دەریایی لە ناوچەگە داشت، وەتایبەت بەرهەمەیل کشتوکاڵی و کانزا.
وتیش؛ هەرچەن ئیران و ئیسرائیل بازیکەر سەرەکی نیین لە بازاڕەیل جیهانی کشتوکاڵی و کانزا، وەلێ نزیکییان لە ریەیل دەریایی گرنگ، نادڵنیایی لەلای بسینەیل و هەناردەکارەیل دروس کرد.
وەگورەی کۆمپانیاگە، ئی جەنگ وەڕاسی هیشت بازاڕەیل بانوخوارکردن وەرچەویگ بکەن، دیارترینیان بەرزەوبوین نرخ سزەمەنی کەشتیەیل، و خەرج بارکردن.
