لەوەر بارودۆخ دارایی.. رووشنهویری عراق ڤیستیواڵ ناودەوڵەتی بەغداد ئەرا شانۆ دویاخەێد

شەفەق نیوز - بەغداد

وەزارەت رووشنهویری و گەشتوگوزار و شوینەوار، ئمڕوو پەنجشەممە،  دویاخسن سازدان ڤیستیواڵ ناودەوڵەتی بەغداد ئەرا شانۆ لە خول حەفتەمی، "خول هونەرمەن قەدیر رائید موحسین" راگەیان، ک بڕیاربوی لە بەغداد لە 10 تا 17 تشرین یەکەم 2026 ساز بوود، لەوەر بارودۆخ دارایی و ئابووری کە وڵاتەگە وەپی رەدبوود.

وەزارەتەگە، لە بەیاننامەیگ ک رەسیە  ئاژانس شەفەق نیوز، وت:  بڕیار دویاخسنەگە دویای پرسکردن وەگەرد لایەنەیل پەیوەنیدار لە فەرمانگەی سینەما و شانۆ هات، و لەرووشنایی ئەو ئاستەنگییەیل کە کەفێدە بان دابینکردن داواکارییەیل سازدان ڤیستیواڵەگە و بەرنامە هونەرییەگەی.

دووپات کرد  دویاخسنەگە وە مانای هەڵوەشانن ڤیستیواڵەکە نییە، و دیاریکرد دیاریکردن وەخت نوو ئەرا سازدان لەرووشنایی پیشهاتەیل و توانایەیل وەردەس کریێد، و لە وەخت خوەی وە شیوەیگ فەرمی راگەیەنرێد.

ڤیستیواڵ ناودەوڵەتی بەغداد ئەرا شانۆ یەکیگە لە دیارترین چالاکییەیل شانۆیی کە پایتەخت میوانداریی کەێد، و نمایش و ئەزموونەیل شانۆیی عراقی و عەرەبی و ناودەوڵەتی گردەو کەێد، وە شێوەیگ ک بەشداری کەێد لە بەهێزکردن بزووتنەوەی شانۆیی و پەیوەنی رووشنهویری و هونەری لەناوەن عراق و وڵاتەیل جیاجیای جیهان.