گلەوخواردن ئەرا کورسیەیل خوەنین.. ملیۆنان خوەنەوار دەسکەنە سال نوو خوەنین لە عراق (وینە)
شەفەق نیوز - بەغداد
مەکتەوەیل عراق، ئمڕوو یەکشەممە، دەسکردن وە پێشوازیکردن لە خوەنەوارەیل ئەرا دەسوەپیکردن سال نوو خوەنین 2026-2027، دویای دویاخسن وەخت دەسوەپێکردن دەوام ئەرا چوار تشرین یەکەم/ ئۆکتۆبەر لەجیاتی یەک مانگەگە.
وەزارەت پەروەردە بڕیار دابوی وە دەسکاریکردن وەخت دەسوەپیکردن سال خوەنین، هاووخت وەگەرد بڕیار ئەنجومەن وەزیرەیل وە پشوو فەرمی لە 30 ئەیلوول/ سێپتەمبەر تا 3 تشرین یەکەم/ ئۆکتۆبەر، ئەرا ڕێزلێنان لە "رووژەیل سەروەری" لە عراق.
مەکتەوەیل لە گشت پارێزگایەیل پێشوازی لە خوەنەوارەیل و کادرەیل فێرکاری و پەروەردەیی کەن، لەناو ئامادەکارییەیلیگ کە وەزارەتەگە دووپاتکرد لە تەواوبوینیان ئەرا سازدان بینای مەکتەوەیل و کەرەسەیل فێرکاری و ئیداری، و دڵنیابوین لە ڕێکوپێکی پڕۆسەی فێرکاری لە یەکەم ڕۆژەو.
وەزارەتەگە لە هەفتەیل گوزەشتە چەن دەستکارییگ لە وەخت دەسوەپیکردن سال خوەنین ئەنجام دابوی، وەرجە پەسەنکردن چوار تشرین یەکەم وە وەخت کۆتایی ئەرا دەسوەپیکردن خوەنین، وە بەردەوامبوین ئامادەکارییەیل ئەرا پێشوازیکردن لە خوەنەوارەیل لە قۆناغەیل جیاجیای خوەنین.
