گلەوخواردن جویلەی ئاسمانی لە فڕۆکەخانەی بەغدا
![گلەوخواردن جویلەی ئاسمانی لە فڕۆکەخانەی بەغدا](https://media.shafaq.com/media/arcella/1652694160674.jpg)
شەفەق نیوز/ ئیدارەی فڕۆکەخانەی ناودەوڵەتی بەغداد، ئمڕوو دووشەممە، گلەوخواردن جویلەی کاروانەیل ئاسمانیی ئەرا سروشت خوەی راگەیان، دویای چەن ساعەتیگ لە وسیانی لەوەر خوەڵوتوز.
فڕۆکانەگە لە ئاماژەیگ رەسیە ئاژانس شەفەق نیوز وت: خوازێد دیاری ئەرا گشت گەشتیارەیل و کۆمپانیایل فڕۆکەوانی لە فڕۆکەخانەگە بکەێد ک جویلەی کاروانەیل ئاسمانی ئەرا سروشت خوەی گلەو خوارد و خشتەیل کاروانەیل ئاسمانی کەفتەکار.
وتیش: ئاست نووڕستن رەسیە ٦٠٠ مەتر، دویای ئەوە ک شەوەکی ئمڕوو لەوەر خوەڵوتوزەگە وسیا.