لە پەنجشەممەی ئایندەو.. داوەزیان پلەی گەرمی لە گشت شارەيل عراق
![لە پەنجشەممەی ئایندەو.. داوەزیان پلەی گەرمی لە گشت شارەيل عراق](https://media.shafaq.com/media/arcella/1724748696628.jpg)
2024-08-27T08:52:01+00:00
شەفەق نیوز/ دەسەی کەشناسی و زەویلەرزەناسی، ئمڕوو سێشەممە، وت: لە رووژەسل ئایندە عراق داوەزیان پلەی گەرمی وە خوەی دوینێد و گشت ناوچەیل وڵاتەگە گرێدەو.
دەسەگە ئمڕوو راپرتیگی ئاشکەرایکرد کە وەلایەن بەش کەشناسی دەرچگە لەدویای نووەوکردن خشتەیل کەشناسی دیاریکەێد، مەزەنەکرێد پلەی گەرمی وە چەن پلەیگ لە ناوچەیل ناوڕاس و باشوور داوەزیان وەخوەی بدوینێد.
وتیش، ناوچەیل باکوور داوەزیان کەمیگ دوینن لە پلەی گەرمی، و داوەزیانەگە لە رووژ پەنجشەممەی ئایندە دەسوەپی کەێد تا کۆتایی ئێ مانگە وەردەوام بوود و مەزەنەکرێد بەرزترین پلەی گەرمی لەناوەین 35 تا 41 پلە بوود.
وەپای راگەیاننەگە، ناوچەیل ناوڕاس ها لەناوەین 40 تا 43 پلە و ناوچەیل باشوور ها ناوەین 44 تا 46 پلە.