لە ئەنجام گورزەیل عراق لە کەرکوک.. پەیاکردن تەرم ٥ تیرۆریست

شەفەق نیوز/ فەرماندەیی ئۆپراسیۆنەیل هاوبەش، ئمڕوو شەممە، ئەنجام گورز ئاسمانی دویەکە جمعە، لەلایەن فرۆکەیل جەنگی عراق وەبان ئەندامەیل داعش لە پارێزگای کەرکوک راگەیان، و دووپات کرد کە تەرم پەنج تیرۆرست پەیا کریا.

شانەی راگەیانن ئەمنی لە بەیاننامەیگ رەسیە ئاژانس شەفەق نیوز وت: دژیەکە دیوەخان تیرۆریستەیل لە دووڵ زغێتون وە فڕۆکەیل بطائرات F_16" کریا ئامانج.

وتیش: شەفەق ئمڕوو هیزیگ لە فەوج یەکەم لیوای ٦٣ هیزەیل تایبەت و کەتیبەی ڕوانگە فیرقەی ١١ لە هەواڵگری سەربازی دەرچگن ئەرا وەشکین شوین گورزەگە، و لە ساعەت  900 تەرم (5) تیرۆرست لەناو ئەو دیوەخانەی لە ئەنجام گورزەگە پەیا کردن.

وتیش: چوار تفەنگ و دوو پشتین بومبی پەیا کریا وەگەرد شەش بومب دەسی و فیشەک و ئامرازەیل پەیوەندی و لۆجیکی لەو شوینە.