لە ئەنجام رویوەڕویبوینیگ لە کەرکوک تیرۆستیگ خوەیکوشت و یەکیگیش دەسگیرکریا و دوو ئەفسەریش زەخمداربوین
شەفەق نیوز/ سەرچەوەیگ لە پۆلیس عراق، ئمڕوو چوارشەممە، خەوەردا لە پویچەوکردن پیلانیگ تیرۆرستی لە پارێزگای کەرکوک.
سەرچەوەگە وە ئاژانس شەفەق نیوز وت، هێزە هاوبەشەیل کە پێکهاتبوین لە دەزگای ئاسایش نیشتیمانی، و پۆلیس ناوخوەیو دەزگای دژە تیرۆر سلێمانی، شەوەکی ئمڕوو، ئۆپراسیۆن گورجیگ ئەنجامدان لە کویچەی "سێکانیان" لە باکوور کەرکوک لەدژ ئامانجیگ تیرۆرستی.
وتیش؛ لەوەخت وەجی رەسانن ئۆپراسیۆنەگە رویوەروی بوینەوەی چەکداری "فرە مەترسیداریگ" دروسبویە وەگەرد ئامانجەگەیان کە شمارەیگ داواکریاگ بوین وەپای مادەی چوار لە یاسای دژە تیرۆر، دیاریکرد یەکیگ لە داواکریاگەیل لەوەخت بەرەنگاربوینەوەگە خوەیکوشتیە، و هێزە ئەمنیەیل یەکیگ ترەک دەسگیر کردنە و سێیەمیان ئەرا شوین نادیاریگ وایە.
وەپای هەمان سەرچەوە، دوو ئەفسەر لە هێزە ئەمنیەیل زەخمداربوینە، وتیش؛ ئەرەکە بریتی بویە لە ئۆپراسیۆن گورجیگ کە هێزە ئەمیەیل ریەو توەنستنە ئۆپراسیۆنیگ تیرۆرستیانە و کە پلان ئەرای دانریابوی پویچەوبکرێد کە داواکریاگەیل وەنیازبوین لەناو پارێزگاگە جیوەجی بکەن.
