لە ماوەی 10 ساڵ.. عراق کەفێدە نوای رخداری 300 رووژ لە زریان
شەفەق نیوز ـ بەغدا
روانگەی "عراق سەوز"، ئمڕوو یەکشەممە، مەزەنەی رەسین ئەرا 300 رووژ لە زریان خوەڵ و تووز کرد لە ماوەی دە ساڵ ئاینندە لە عراق، ودووپاتکرد لە بوین 6 کویرەی سوێر کەێد کە ئی گردەلوولەیلە لەلیان دەسوەپی کەێد.
روانگەی ، لە بەیاننامەیگ کە رەسیە ئاژانس شەفەق نیوز دیاری کرد، ئاووهەوای عراق بەشیگ نیمچە کەمەرەیی و نیمچە هشکە وە شێوەیگ گشتی بیجگە لە ناوچەیل کویەی نیمە تەڕ لە باکوور خوەرهەڵات و ناوچەیل باشوور خوارئاوا کە بیاوانین، و وڵاتەگە وە شێوەیگ گشتی وەرزەیل زمسان لە ناوەین سەرد و سەرد سەخت وەخوەی دوینێد، و وەرز تاوسان هشک کە جیاوازە لە ناوەین گەرم و فرە گەرم، و ناوەن پلەی گەرمی رەسێدە 45 پلەی سەدی لە ڕوتبە و 50 پلەی سەدی لە بەغدا.
دیاریکرد زیاترین شمارەی گردەلویلەیل تووز لە ماوەی ساڵەیل 1951-1990 رەسیە نزیکەی 24 گردەلویل لە ساڵیگ، باوجی شایەت عراق 300 گردەلویل خول و تووز لە ساڵیگ لە ماوەی دە ساڵ ئاینندە لەوەر ئاڵشتبوین ئاووهەوا وەخوەی بدوینێد.
دووپاتکرد، 6 کۊرەی سوێر هەس کە ئی گردەلویلەیلە لەلیان دەسوەپی کەن لە ناوڕاس و خوەرئاوا و باشوور عراق، و دیاری کرد فرەیگیان هان لە پارێزگایەیل باشوور.
وە دەرئەنجام ڕەسیە، توێژینەوەیل ناودەوڵەتی چەسپانیییە کە ئی کۊرەیلە لەوەر بیاوانبوون دروس بۊنە کە تویش فرەیگ زەویەیل لەو ناوچەیلە هاتگە، و رووشنیکرد دەسکردیە ئەرا کاریگەری دانان لەبان وڵاتەیل هاوسا جوور کوێت، سعودیە، قەتەر، ئیمارات، تورکیا، و ئیران.
