لەماوەی ٢٤ ساعەت لە عراق خاسەوبوینەگان لە تووشهاتنەگان کۆڕۆنا فرەترن
![لەماوەی ٢٤ ساعەت لە عراق خاسەوبوینەگان لە تووشهاتنەگان کۆڕۆنا فرەترن](https://media.shafaq.com/media/arcella/1605445459221.jpg)
شەفەق نیوز/ خاسەوبوینەگان لە ژمارەی تووشهاتنەگان وە ڤایڕۆس کۆڕۆنا لە عراق، ئمڕوو یەکشەممە، فرەتربوین، وەگورەی هەڵوێست پەتاییەگەی وەزارت تەندروسی وژینگەی عراق.
وەزارەتەگە لە هەڵوێستەگەی ئمڕوو وت: ٢٢٣٧ تووشهاتن نوو وەگەرد ٢٨١٣ خاسەوبوین لە کۆڕۆنا تۆمار کردگە، و ئاماژە کرد لە مردن ٤٧ تووشهانگ وە ڤایڕۆسەگە.
وەگورەی هەڵوێست وەزارت تەندروسی وژینگەی عراق، گشت خاسەوبوینەگان رەسیە ٤٤٧٠٣٩ ، وەرێژەی ٨٦،١٪ ، و ژمارەی گشتی تووشهاتنەگان رەسیە ٥١٩١٥٢، و ژمارەی تووشهاتنەگان لە ژیر چارەسەری ٦٠٤٤٣، و ژمارەی تووشهاتنەگان لە ژیر چەودیری وورد ٣٥٧، و ژمارەی گشتی مردنەگان ١١٦٧٠، لەوەخت بڵاوبوین ڤایرۆسەگە لە عراق.