لەماوەی دوو مانگ.. دەسناین وەبان نزیکەی 10 تەن مادەی هووشبەر و پویچەوکردن زیاتر لە 121 باند بازرگانیکردن لە عراق
قسەکەر وەزارەتەگە لە کۆنگرەیگ رووژنامەوانی باس لە کارەیل وەڕێوەبەرایەتی گشتی بەڕەنگاربوین مادەی هووشبەر و کاریگەری دەروینیەگان کرد لە سەرەتای ساڵ 2024ەو تا کۆتایی مانگ شوبات.
عەمید میری ئمڕوو لە ڤیدیۆیگ پەخش راستەوخوەی وت، "لەسەرەتای ئمساڵ 2024 لەماوەی دوو مانگ، وەڕێوەبەرایەتی گشتی مادەیل هووشبەر و کاریگەری دەروینیەگان توەنستنە دەسبنەن وەبان زیاتر لە 500کگم مادەی هووشبەر و نزیکەی 9 تەن لە کاریگەری دەروینیەگان".
وتیش؛ وەڕێوەبەرایەتیەگە 1459 توومەتبار دەسگیرکردیە، فەرمان سزاداین ئەرا 768 کەسیان دەرکردیە 9 ۆەسیان سزایان لە سێدارەداینە و16 کەس زیندانی هەمیشەیی.
قسەکەر وەزارەتەگە وتیش، وەڕێوەبەرایەتیەگە توەنستیە دەسبنەێد وەبان نزیکەی 120 چەک جویراوجویر، 143 ماشین، باس لەوە کرد لیانە گرنگتر توەنستیە 121 تووڕ پویچەوبکەێد کە 13یان ناودەوڵەتیە و 108یان ناوخوەیین.
