لە پەیمانەی چەودێری تەندروسی عراق ها لە پلەی دەیەم عەرەبی لە ساڵ 2025
2025-04-19T11:20:23+00:00
شەفەق نیوز/ عراق ها لە پلەی دەیەم عەرەبی لە پەیمانەی تەندروسی ئەرا ساڵ 2025.
وەپای پەیمانەیل سایت "نمبيۆ" کە ئاست ژیانکردن لە گشت جیهان نیشاندەێد و ئاژانس شەفەق نیوز دیەسێ، عراق لە پلەی دەیەم عەرەبی هاتیە وە وەدەسهاوردن 45.9 خاڵ لە بنەڕەت 100 لە پەیمانەی چەودێری تەندروسی ئەرا ساڵ 2025.
وتیش قەتەر وە پلەی یەکەم عرەبی تێد لە پەیمانەیل چەودێری تەندروسی وە 73.4 خاڵ، لەدویای ئیمارات وە 70.6 خاڵ، سعودیە وە سێیەم و لوبنان وە چوارەم تێد.
سایتەگە وتیش، ئۆردن وە پەنجەم هاتیە لەدویای عەمان وە شەشەم، و کوەیت وە هەفتەم و تونس وە هەشتەم، و جەزائر وە نۆیەم و میسر وە پلەی 11یەمین و مەغریب وە 12هەمین تێد.
لەبان ئاست جەهانی تایوان وە پلەی یەکەم تێد وە دەسهاوردن 96.5 خاڵ، کۆریای باشوور وە دویەم تێد وە 82.8 خاڵ، ژاپۆن وەسێیەم تێد وە80 خاڵ.
