لەپشت دویا هاواریگ.. مردن زوورانبازیگ عراقی وە بیماری
![لەپشت دویا هاواریگ.. مردن زوورانبازیگ عراقی وە بیماری](https://media.shafaq.com/media/arcella/1670837746470.jpeg)
ئەکرەم بازی زووران کردیاد و توانا لەلی داشت، و لەچەن پاڵەوانییگ ناوخوەیی بەشدار کرد، و نزیک بوی پلەیل یەکەم وەدەس بارێد، هەمیش بازی لەشجوانی و هیزدان قورسی کردیاد، دویای ئەوە ک واز لە زووران هاورد، و خواردن پڕۆتین کاریگەری لەبان گورچکی داشت، تا ئمڕوو گیانی لەدەس بەێد.
وەرجەیە، وەرزشوانەیل کەرکوک بانگواز ئەرا گشت وەرزشوانەیل و مەردم کردن ک وتن: وەوجویرە ک زانین براکان پاڵەوان حازم ئەکرەم کەفتیەسە تەندروسی فرە گەنیگ، لەوەر گورچگەیلی ک وە ئاست گەورەیگ پەکیان کەفتیە، ئەراوە داوا لە گشت خێرخوازەیل کەیمن بڕیگ پویل گردەو بکەن تا گورچگ ئەرای بسینیمن، ک ئیرنگە فرە خوازێدەی.
پاڵەوان حازم ئەکرەم دویا هاواری وەرجە مردنی مەوقەی خەفتنی لە ناو خەسەخانەی کەرکوک کرد، ک داد لە دەس نەوین چارەسەری کرد و پویل خوازێد.
وەگەرد ئی هاوارەیلە، لایەنەیل فەرمی هویچیگ نەکردن، بیجگە پشتگیریکردن کەمیگ لەلای برادەرەیلی.