لە  شاروچکەی مەسیحییگ لە عراق گەپترین دار کریسمس دروسکریا

شەفەق نیوز/ مەسیحیەیل، ئمڕوو جومعە، دروسکردن گەپترین درەخت کریسمس تەواوکردن ک لە شازۆچکەی بۊچگیگ دانریا لە قەزای حەمدانیە سەر وە پارێزگای نەێنەوا، ئەرا جوانکاری و ئامادەکاری ئاهەنگ جەژن کریسمس.    

بەرزی دار کریسمسەگە 14 مەترەو نیمەتیرەگەی 5 مەتر وە دوو رەنگ چەرمگ و تەڵایی رەنگ کریایە.     پدرۆس چیتۆ، قەس کڵیسەی ماربهنام سارا لە شاۆچکەی بەغدید وت:  "   ئەرا ئاژانس شەفەق نیوز باس کرد، ( بەسە جیاوازی، بەسە حیزبایەتی ، و بەسە ململانێ، بایەد لە ئاشی و پارێزراوی بژین، تەنانەت پشووگانیشمان رێکبخەێن).       

سندوس سەبیح 30 ساڵە وت: " لە بارودۆخ سەختیگ زندگی کەێمن، خوازیمن ساڵەیل ئایندە ساڵەیل خەیر و خۆشەویستی و پارێزراو بوود ئەرا گشت کەسیگ"، لە هەمان وەخت باس لە ئومیدی کرد‌ ک"  دۊیای رووداوەیل ساڵ 2014، کەسەیلیگ لە شارۆچکەگە کووچکردن و ئەوانەگ خوەشیان لە شارۆچکەگەیان تیاێد  مەسیحین، خوازێد گلەوبخوەن ئەرا ماڵ و میلکان خوەیان لەناو خێزان و مەردمەگە".      

نیهاد سالیوس، خانمیگە دانیشتگ بەغدیدە وە ئاژانس شەفەق نیوز وت: ک خوەشهاڵ بۊیە وە دروسکردن درەخت کریسمس لە شارۆچکەگە وەی گەورەییە و باس کرد ک "هووکار   گلەوخواردنەگەی ئەرا شارۆچکەگە ئەوەس ، هەس کردیە ک ئەو بەشیگە لە هەس خوەی و یادگاری فرەیگ ئەرای دیرێد، وەپیم ناکرێد لەلی دۊر بووم.       

هەرچەن  فرە داوا لە گلەوخواردن مەسیحیەیلە کرێد، باوجی بەش گەپێگ لە لیان لە هەرێم کوردستان جێگیر بۊینە و بەشیگیش وە تەواوی ولات وەجی هیشتنە دۊیای رووداوەیل ساڵ 2014.    

وەگورەی ئەوەگ وەرپرس کەلیسەی کاسۆلیکی لە مووسڵ  رائد عادل ئەرا ئاژانس شەفەق نیوز ئاشکەرای کرد، لە مەقەی ئازادکردنی تا ئیسە نزیکەی 60 خیزان گلەوخواردنە.