پۆلیس بەغداد تەرم گەنجیگ لەچەم درارێد و ژنیگ لە خوەیکوشتن رزگار کەێد
2022-05-14T11:34:27+00:00
شەفەق نیوز/ وەڕێەوبەرایەتی پۆلیس بەغداد، ئمڕوو شەممە، دراوردن تەرم گەنجیگ، و رزگارکردن ژنیگ لە خوەیخستن وەناو چەم دیجلە راگەیان.
وەڕێەوبەرایەتیەگە لە بەیاننامیگ رەسیە ئاژانس شەفەق نیوز وت: مەفرەزەیل ئاوی تەرم گەنجیگ لەناو چەم دیجلە لە ناوچەی زەعفەرانیە دراوردن، و دیاری نەکرد ئایا ئەو گەنجە لە مەلەوانی خنکیایە یا خوەی کوشتیە.
وتیش: مەفرەزەیلی هەمیش توەنستن ژنیگ رزگار بکەن، خوەی لەبان پیەڵ ئەییمە خستەناو چەمەگە و خوازیە خوەی بکوشێد.
