لە سێ پارێزگای عراقی...تەم رویداو هاتوچو دروسکەێد و 9 کەس کەێدە قوربانی
2023-12-16T10:24:37+00:00
شەفەق نیوز/ سێ سەرچەوەی ئەمنی، ئمڕوو شەممە، خەوەردا لە مردن و زەخمداریبوین 9 کەس لەئەنجام رویداو هاتوچو لە پارێزگایەیل دیالە واست و زیقار.
یەکیگ لە سەرچەوەیل وە ئاژانس شەفەق نیوز خەوەردا، "ماشینیگ لەیەکەودایە وەرد ماشینیگ بارهەڵگر لەبان ری گشتی قەزای سەویرەت لە باکوور پارێزگای واست و بویەسە هووکار رویداو دەسوەجی کەسیگ گیان لە دەسدایە و 3 کەسیش تویش زەخمداری سەختیگ هاتنە.
لە زیقار، سەرچەوەیگتر خەوەردا، "رویداویگ لەبان ری گشتی قەزای فەهوود خوەرهەڵات پارێزگاگە رویدایە لەناوەین دوو ماشین، بویەسە هووکار مدن دوو کەس دەسوەجی".
تیم فریاکەفتن قوربانیەیل ئەرا پزیشک دادوەری کلکردنە ئەرا تەواوکردن رێکارەیل یاسایی ئەرایان.
لە دیالە، سەرچەوەیگ ناوخوەیی ئاشکەرایکد، سێ کەس وە پلیان بارهەڵگریگ لەبان بەنداو حەمرین زەخمدار بوینە وە مدوو تەم خەسیگ.
