لە زیقار... دوو خوەیکوشتن ک یەکیگیان بازرگان مادەی هوشبەرە بویە
2022-12-14T08:04:13+00:00
شەفەق نیوز/ سەرچەوەیگ ئەمنی لە پارێزگای زیقار، ئمڕوو چوارشەممە، خەوەردا دوو خوەیکوشتن توومارکریایە یەکیگیان بازرگانیگ مادەی هوشبەرە ک تەقەلای خوەیکوشتن دایە لەوەخت ئۆپراسیۆن دەسگیرکردنەگەی لە باشوور شار ناسریە ناوەند پارێزگاگە.
سەرچەوەگە وە ئاژانس شەفەق نیوز خەوەردا، "هیزەیل ئەمنی هەڵکوتانە بان ماڵ بازرگانیگ مادەی هوشبەر لە قەزای چبایش لە باشوور پارێزگاگە، ئەرا دەسگیرکردنی وەپای مادەی28 دژە مادەی هوشبەر"، وتیش: لە وەخت پەلامارداین ماڵەگەی وەلایەن هیزەیل ئەمنی و تەقە لە خوەی کردیە لای شان راس خوەی زەخمدار کردیە، لەو وەختە پیاوەیل ئاسایش توەنستنە بوسننەی و چەکەگەی لەلی وەربگرن وەگەرد نارنجەیگ ک وەپی بویە.
سەرچەوەگە وتیش، " دویەتیگ 23 ساڵان لە ری هەڵواسین (شال) وە پەنکەی قەواسە خوەی کوشتیە لەناو ماڵ خوەیان لە گەرەک شوهەدا لەناوڕاس شار ناسریە ناوەند پارێزگاگە"دیاریکرد" هووکار خوەیکوشتنەگەی تا ئیسە دیار نییە".
