لە کەرکوک رۆژنامەنووسەیل کورد کەفنە وەر پێشێلکاریەیل سەخت
شەفەق نیوز/ دەسەی وەرگریکردن لە ئازادی رۆژنامەوانی و ماف رۆژنامەنووسەیل لە سەندیکای رووژنامەنووسەیل کوردستان، ئمڕوو دووشەممە، راگەیان لە پێشێلکاریەیل نوویگ دژووە رۆژنامەنووسەیل کورد لە کەرکوک، و داوای دەسوەردان لە موستەفا کازمی کرد.
لە بەیاننامەیگ رەسیە ئاژانس شەفەق نیوز وت: سەندیکای رۆژنامەنووسەیل کوردستان لە سەرەتای ئی ساڵە ٢٠٢٠ ، تەقەلای فرەیگ دا و چەن هەڵمەتەیگ کرد ئەرا دروسکردن کەشوهەوای لەیەکڕەسینەوە و زەمینەیگ ئەرا هەماهەنگی وەگەرد لایەنە پەیوەندیدارەگان لە شار کەرکوک، ئەرا وسانن پێشێلکاریەگان دژوە رۆژنامەنووسە کوردەگان، و ئی تەقەلایلە ئەنجام خاسیگ وەدەس ناورد.
دەسەگە دیاریکرد ک کارەگە رەسیە ئاڕاستەکرن یادداشتیگ ئەرا سەرۆک وەزیران لەلایەن نەقیب رۆژنامەنووسەیل، لە تەقەلایگ تر وەگەرد لووتگەی دەسەڵات جیوەجیکار، ئەرا یەکەوگردن لە خاڵ لەیەکرەسینەوەی هاوبەشیگ و شیوەی یاسایگ ئەرا لەناوبردن رەفتارە نا وەرپرسیەگان لە هێز وکۆمەڵەیل چەکدار لە کەرکوک، وچارەسەرکردن پێشیلکاریەگان دژوە رۆژنامەنووسەیل ودامەزراوەیل جهانی کوردستان، وباس لە خەفەت خوەی کرد ک دووارە سەندیکای رۆژنامەنووسەیلمان کەفنە وەر پێشیلکاری سەختیگ لە وەخت چالاکیەیل جهانییان لە رووداوو ململانەگە ناوبەین هاووڵاتیەیل کورد و هاووڵاتیەیل عەرەب ك دویەکە یەکشەشەممە هاوریانە ئەرا پارێزگاگە لە ناوچەیلیگ لە کەرکوک.
بەیاننامەگە وتیش: ئەو پێشێلکاریەیلە وە پەلاماره‌یله لەلایەن هێزەیلیگ ئەمنی لەبان کەناڵەیل کوردی دەسکردەپی، ک لە شوون رووداوەگە بوین، ودەسنانە بان ئامێرەیل رۆژنامەنووسەیل، و نوایان گردن لە وەجیهاوردن پیشەگەیان، وهەمیش ژمارەیگ لە رۆژنامەنووسەیل گریان.
وتیش: ئیمە لە دەسەی وەرگریکردن لە ئازادی رۆژنامەوانی و ماف رۆژنامەنووسەیل، باس لە رەتکردن و شەرمەزارکردن ئی رەفتارەیل نا یاساییە كه‌یمن ک کەفێدە خانەی دووچەوەکی بنەڕەتی و نەتەوەیی، و ئی پێشیلکاریەیل دووارەکریاگە، پێشیلکردن رینما و ئەجندەیل سەرۆك وەزیرانە ک راگەینیه لە کارکردن ئەرا ئاوه‌دانکردن عراقیگ دیموکرات، گشتی لەیەک ئاست لەناوی پێکەوژیان بکەن وەبی جیوازی.
بەیاننامەگە وەرپرسی مقەیەتی لە سەڵامەتی رۆژنامەنووسە گریایەگان خستە بان حکومەت عراقی، و داوای قەرەبووکردنیان کرد لە زەرەدەگانیان.
هەمیش بانگەواز کرد ئەرا رۆژنامەنووسە عراقیەگان ئەرا وەجیهاوردن ئەرکە یاسایی وپیشەگانیان وە شەرمەزارکردن و رەتکردن ئیجوور پێشیلکاریەیلیگ.
