لە رووژ یەکشەممەو پشوو دەوام فەرمی لە زیقار دەسوەپی کەێد
2023-08-31T07:24:47+00:00
شەفەق نیوز/ بڕیارە حکومەت ناوخوەیی لە پارێزگای زیقار باشوور عراق، لە رووژ یەکشەممەی ئایندە دەوام فەرمی بکەێدە پشوو.
سەرچەوەیگ ئاگادار وە ئاژانس شەفەق نیوز خەوەردا، پارێزگار زیقار محەمە هادی پەکخستن دەوام فەرمی رووژەیل یەکشەممە و دووشەممە و سێشەممە هەفتەی ئایندە راگەیان، هاوەخت وەگەرد مانگ زیارەتکردن چلەی ئیمام حسێن، تا ریخوەشکەر بوود ئەرا زینگکردن ریورەسمەگە.
حکومەت ناوەندی لە بەغدا بڕیاردا دەوام فەرمی رووژەیل چوارشەممە و پەنجشەممەی ئایندە بکەێدە پشوو وەبونەی یادکردن مەراسیم زیارەتکردن چلە.
