لە دەورگرد کەرکوک.. دووچەوەکی شۆڤێنی ململانەیل نەتەوەیی وەردەوام کەێد
شەفەق نیوز/ وەرپرسیگ کورد، ئمڕوو یەکشەممە، باس رەتکردن سکاڵایگ دادوەری کرد ک تەقەلای مەنین دەسدرویژیکردن لەبان زەویەیل کورد لە باشوور پارێزگای کەرکوک دەن، لە وەختیگ دووپات کرد ک دووچەوەکی شۆڤێنی هیلێد ململانەی ماڵداری لەناوبەین عەرەب و کورد وەردەوام بوود.
حەسەن محمد ئەحمەد ئەندام یەکێتی نیشتمان کوردستان و ئەندام ئەنجومەن وەرین سەڵاحەدین ئەرا ئاژانس شەفەق نیوز وت: دادگای داقوق لە باشوور کەرکوک، ٢١ سکاڵای دادوەری رەت کرد ک وەلایەن عەرەبیلیگ داگیرکەر کورد توومار کریانە، لەوەر نا یاسایی لە کەرت سنور خوەرئاوای قەزای داقوق ک رووبەری رەسێدە ١٠١٣ دۆنەم.
ئەحمەد وتیش: ئەو عەرەبەیلە ک لە شوینەیلیگتر هاتنە دەسنانە بان زەویەیل کورد لە دەورگرد کەرکوک وە دەسمیەتی رژیم وەرین، و لە ساڵ ٢٠٠٣ گلەو دریا، و عەرەبەیلیش قەرەبوو مادەی ١٤٠ وەرگردن، باوجی دویای رویداوەیل ٢٠١٧ جاریگتر ئەرا ئی زەویەیلە گلەو خواردن.
وتیش: بڕیاریگ دادوەری هەس نیەیەیلێد هەرکەسیگ قەرەبوو مادەی ١٤٠ وەربگرێد هویچ سکاڵایگ دادوەری توومار بکەێد تا جاریگتر دەس لەبان زەویەیل تاڵانکریاگ کورد یا هەر پیکاتەیگتر بنەێد.
ئەحمەد وتیش: ململانەی ماڵداری لە کەرتەیل ١٥،١٦،١٧،١٨ کەفتیەسە بان زەویەیل کورد لە دەورگرد قەزای داقوق، ک ڕووبەرەگەی لە ٦٠٠٠ دۆنەم زیاترە، و تا ئیسە یەکلاکەرەوە نەکریاگە، لەوەر دووچەوەکی شۆڤێنی لەلایەن هەشیگ لە لایەنەیل وەرپرس لەبان ئی باوەتە و بەندەیل مادەی ١٤٠ لە دەستور عراق.
دیاری کرد ک نیمەێ زەویەیل کورد لە کەرت ١٦ ئەوە عەرەبەیلە وەکاری تیارن ک لە شوینەیلیگتر هاتنە، و هیمان کەرەتیل ١٧ و ١٨ نینە دەس کورد یا عەرەبەیل، ٢ تەنیا سوپا هاناوی.
