لەدیالە و سەڵاحەدین.. مردن 5 کەس وە رویداو هاتوچو و پەلامار چەکداری

شەفەق نیوز/ دوو سەرچەوەی ئەمنی، ئمڕوو دووشەممە، خەوەردان لە مردن و زەخمداری 5 کەس وە رویداو هاتوچو و پەلامار چەکداری لە پارێزگایەیل دیالە و سەڵاحەدین.

یەکیگ لە سەرچەوەیل وە ئاژانس شەفەق نیوز وت "مەدەنیگ  وە پەلامار چەکداری لەبان ری مەنسوریە  ـ بەعقوبە نزیک ناحیەی سەلام کوشیا".

وتیش "وەپای زانیاری سەرەتایەیل رویداوەگە لە ئەنجام وردەوردەیل هوزانە بویە".

سەرچەوەی ترەک راگەیان چوار کەس گیان لەدەسدانە و سێ کەسیش زەخمدارن لە رویداویگ هاتوچو لە پارێزگای سەڵاحەدین".

سەرچەوگە ئەرا ئاژانس شەفەق نیوز ئاشکرایکرد، "رویداوەگە لە نزیک بازگەی  (السرحة) باشوور قەزای دوزخورماتوو رویدایە لە ئەنجام لەیەکەوداین ماشین جویر  (كيا ريو) و ماشین بارهەڵگریگ وە مەدوو کەمی مەودای نووڕستن لە ئەنجام ئە گەردەدویل خوەلوارینە دایەس لە ناوچەگە".