لە دیالە و زیقار...کارەبا کۆتایی وە ژیان پیاویگ تیەرێد و دراوردن تەرمیگ لەناو چەم فورات
2023-05-31T08:27:49+00:00
شەفەق نیوز/ سەرچەوەیگ ئەمنی لە پارێزگای دیالە، ئمڕوو چوارشەممە، خەوەردا لە مردن پیاویگ وە کارەبا لە دەوروگەرد قەزای خاڵس باکور خوەرهەڵات بەعقوبە.
سەرچەوەگە وە ئاژانس شەفەق نیوز خەوەردا، پیاویگ پەنجا ساڵان مردیە وە هووکار ئەوەگ کارەبا گردیەسێ لەناو ماڵ خوەیان لەدەوروگەرد قەزای خاڵس 15کم باکوور خوەرهەڵات بەعقوبە.
دیاریکرد تەرمەگەی ئەرا پزیشک دادوەری کلکریاس لێکۆڵینەوە لە رویداوەگە وەردەوامە.
هەمیش هیزەیل ئەمنی تەرم گەنج 22 ساڵانیگ دراوردنە ک خوەنەوار بویە لە کۆلێژ پەروەردە و زانستە مرۆڤایەتیەگان دانشتگ پارێزگای موسەنا/ قەزای خزر بوی.
سەرچەوەیگ ئەمنیتر وت، لە کنار چەم فورات لەناوڕاس شار ناسریە نزیک پۆلیس دەریاوانی پەیاکریاس.
