لە دیالە.. خوەیکوشتن ژنیگ پەنجا ساڵان و کوشیان کەسیگ وە رووداو هاتوچوو
2021-10-24T09:38:45+00:00
شەفەق نيوز/ سەرچەوەیگ ئەمنی لە دیالە، ئمڕوو یەکشەممە، خەوەردا لە خوەیکوشتن ژنیگ پەنجا ساڵان لەوەر خراوبۊین رەوش دەرۊینیی، وپیاویگیش وە رووداو هاتوچوو لەبان ری بەغداد – کەرکوک گیانی لەدەسدا.
سەرچەوەگە ئەرا ئاژانس شەفەق نیوز وت: ژنیگ لە تەمەن ٥٠ ساڵان، لە ناو ماڵەگەی خوەی لە ناوچەی دەلی عەباس خوەی داگە سێدارە.
و دیاری کرد ک لەوەر خراوبۊین رەوش دەرۊینی ئەو ژنە خوەی کوشت، وتیش؛ تەرمەگە وەرەو پزشک دادوەری بریا.
لەلاییگ تر، سەرچەوەگە وتیش؛ کابرایگ مەدەنی وە کووڵ ماتوورسکڵەگەی لەبان ری بەغداد - کەرکوک کەفتە وەر تلیان و گیانی لەدەسدا.
