لە دویای 3 ساڵ لە ئاوارەبوین لەوەر کۆمەڵکوشی.. مەردم ئاوای نەهر ئیمام ئەرا میلکان خوەیان گلەوخوەن (وینە)
2024-02-20T07:26:12+00:00
شەفەق نیوز/ دەیان خێزان لە مەردمەیل خەڵک ئاوای نەهر ئیمام لە قەزای موقدادیە باکوور خوەرهەڵات دیالە، شەوەکی ئمڕوو سێشەممە، گلەوخواردن ئەرا میلکان خوەیان لە دویای 3 ساڵ لە ئاوارەبوین وە مدوو ئەو کۆمەڵکوشی خویناویە کە ئاوایەگە و ئاوایەیل دەورەوگەردی لەساڵ 2021 وەخوەیانەو دین.
محەمەد مەهداوی کە یەکیگە لە ئاوارەیل وە ئاژانس شەفەق نیوز وت، "لەدویای تەواوکردن رێکارەیل گلەوخواردن و ئەمنی ناوچەگە و ئامادەکردنی، خێزانە ئاوارەیل کەمە کەمە دەسکردنە وە گلەوخواردن ئەرا نەهر ئیمام".
وتیش، "شمارەی ئاوارەیل ئاوایەگە زیاترە لە 300 خێزان، بەش یەکەم کە لە 100 خێزان پێکهاتبوین گلەوخواردن، و ئەو بەشەیلتر کەمە کەمە گلەوخوەن".
وتیش؛ "چەوەڕێ گلەوخواردن بویمن ئەرا میلکان خوەمان و زەویەگەمان کە لەناوی لەداڵگ بویمنە و توایمن لەورا بمریمن چوینکە هویچ شوینیگ شوین میلکان خوەمان نیەگرێد".
