لە دویای مردن باوگی...مردن خوەشگ و دویەت وەزیر نەفت عراقی وە رویداو هاتوچو
لە بەیاننامەیگ فەرمی رەسیە ئاژانس شەفەق نیوز هاتیە: " وە خەم و پەژارەو خەوەر لەناوکاو مردن خوەشک و دویەت جیگیر سەرۆک وەزیرەیل کاروبار وزە وەزیر نەفت عراق حەیان عەبدولغەنی رەسیەپیمان وە رویداو هاتوچو".
وەپای بەیاننامەگە، دەسمیەتیدەر وەزارەت نەفت ئەرا کاروبار دەرهێنان وە ناو محەمەد خدر، سەرەخوەشی و هاوخەمی خوەی لەی رویداوە پیشکەش کرد.
هەمیش، سەرچەوەیگ ناوخوەیی هویردەکاری رویداویگ هاتوچو دڵتەزنیگ خستەروی لەبان ری خێرای ناودەوڵەتی نزیک کێڵگەی پەلەوەر وە پاراستەی پارێزگای بەسرە، وتیش ماشین یەکەمەگە "لاندکرۆز" (جکسارە) حکومیە سەر وە کاروانەیل وەزیر نەفت.
سەرچەوەگە ئەرا ئاژانس شەفەق نیوز ئاشکەرایکرد، " رانندەی ماشینەگە ئەندامە سەر وە کاروانەیل وەزیر و گیان لە دەسدایە و لەداگبوی ساڵ 1982ی بەسرەس،مەوقەی رویداوەگە ماشینەگە وەپی بویە، قوربانی و زەخمدارەیلە بریتین لە :
1-کووچ کردگ لەداگبوی 1986 جویر پاسەوان لە رز کاروانەیل وەزیر نەفت کارکرددیە دانشتگ بەسرە لە قەزای زوبێر بوی.
2- کوچکردگ (دویەت وەزیر) لەداڵگبوی 1987 دانشتگ بەسرە، فەرمانبەرە لە کۆمپانیای نەفت بەسرە.
3- کووچکردگ خوەشگ وەزیر لەداڵگبوی 1965 پیشەی ژن ماڵە.
4- زەخمدار لەداڵگبوی 1967 خوەشگ وەزیر نەفت، دانشتگ بەسرە ئیرنگە هالە خەسخانەی گشتی دیوانیە.
سەرچەوەگە دیاریکرد، "ماشین دویەمەگە لە جویر هینوهاڵڤ (نیم لۆری) شمارە 8421 بەسرە بویە، رانندەگەی لەداڵگبوی 1973 دانشتگ بەسرە قەزای ئەبو خەسیب ئەلموتحیەس"، وتیش " هووکار رویداوەگە بەرزی خێرایی و سەرنج نەداین و کەموکوڵی ماشین یەکەم بویە وە رێژەی 100%".
