لە دوو پارێزگا.. کوشیان ٤ کەس وە رویداوەیلیگ جیاجیا
سەرچەوەگە ئەرا ئاژانس شەفەق نیوز وت: مناڵیگ لە تەمەن پەنج ساڵان، دویای کەفتنی لەبان پاچینە لەناو ماڵیان لە قەزای بەلەد باشوور سەڵاحەدین گیانی لەدەسدا.
وتیش: تەرمەگە ئەرا پزشک دادوەری بریا، و لێکۆڵینەوە لە رویداوەگە واز کریا.
سەرچەوەگە وتیش: گەنجیگ وە رویداو هاتوچو لەبان ری کەرکوک - دووزخورماتوو دویای پلیان ماشینیگ کەلوتاوی بوی گیانی لەدەسدار وتیش: قوربانیەگە خوەنەوارە لە کولێژ پەروەردەی وەرزش لە زانکۆی کەرکوک.
وتیش: پیاویگ لەناو تەمەن شەس ساڵە، وە رویداویگ هاتوچو لەبان ری تکریت کەرکوک گیانی لەدەسدا.
سەرچەوەیگ ئەمنی لە دیالە، ئەرا ئاژانس شەفەق نیوز وت: ژنیگ وە تەزیان کارەبا لە ئاوای زەنبوور باکوور خوەرئاوای قەزای خاڵس گیانی لەدەسدا.
سەرچەوەگە وتیش: ژنەگە دەس داسە قەی پایەی کارەبا و تویش تەزیان هاتگە، وتیش؛ تەرمەگە ئەرا پزشک دادوەری بریا و لێکۆڵینەوە لە رویداوەگە واز کریا.
