لە دوو پارێزگا.. مردن گەنجیگ وە رویداو هاتوچو و ئاشکراکردن ناسنامەی تەرمیگ نەناسریاگ
شەفەق نیوز/ سەرچەوەیگ لە فەرماندەیی هاتوچوی کەرکوک، ئمڕوو پەنجشەممە، خەوەردا لە مردن گەنجیگ وە رویداو هاتوچوی، ناسین تەرم نەناسریایگ کە وەی دویاییە لە شار تکریت.
سەرچەوەیگ لە وەڕێوەبەرایەتی هاتوچوی کەرکوک وە ئاژانس شەفەق نیوز وت، "گەنجیگ وە رویداو هاتوچو لەبان ری ناوەین داقوق و ناوچەی کوز لە باشوور پارێزگاگە گیان لەدەسدا".
ئاشکرایکرد "رویداوەگە لە ئەنجام لە یەکەوداین ناوەین ماتۆڕسکیلیگ وەرد ماشینیگ مەدەنی بویە لە ئەنجام رانندەی ماتۆڕسکیلەگە دەسوەجی گیان لەدەسدا".
دیاریکرد "هێزیگ لە پۆلیس لە شوین رویداوەگە ئامادەبوی و لێکۆڵینەوە لە رویداوەگە وازکردن، تەرم قوربانیەگە ئەرا پزیشک دادوەری کلکردن".
لە سەڵاحەدین سەرچەوەیگ وە ئاژانس شەفەق نیوز خەوەردا، "لێکۆڵینەوەیل پزیشکی و وەدویاچگنەیل ئەمنی دەریخستنە کە تەرمیگ نەناسریاگ چوودەو ئەرا پۆلیس محەمەد خەتاب ئەلعەلس، ناسریاگ وە (محەمەد حەلاوە) کوڕ ناوچەی زەویەس، کە ماوەی شەش مانگە دیار نییە، مۆبایلەگەی لو ماوەیە بەسیابوی".
وتیش؛ "لە ئەنجام وشکنینەیل پزیشکی دەرچگە هووکار مردنەگەی لە ئەنجام زەبر تونیگ بویە کە وەر سەری کەفتیە" دیاریکرد " تاوانەگە لە شار تکریت رویدایە".
دەزگا ئەمنیەیل وەردەوامن لە لێکۆڵینەوە لە چونیەتی رویداوەگە دیاریکردن تەرمەگە و هووکار تاوانەگە.
