لەدوو پارێزگا.. پۆلیسیگ تویش دەسرویژی وە چەقوو بوود و خنکیان گەنجیگ لە چەم دیجلە

شەفەق نیوز/ سەرچەوەیگ ئەمنی لە دیوانیە، ئمڕوو سێشەممە، خەوەردا  پۆلیسیگ هاتوچو وەلایەن پەنج کەسەو وە چەقوو دریاسە سەری لە قەزای عفەچ لە پارێزگاگە.

سەرچەوەگە وە ئاژانس شەفەق نیوز وت "پۆلیسیگ هاتوچوی گرێبەس وەناو  (غەيس محەمد جاسم ئیدامی)، وەلایەن پەنج کەسەو لە قەزای عفەچ رویوەروی پەلامارداین هاتیە".

 سرچەوەگە وتیش "پۆلیسەگە وە چەقوو دریاس لەسەری وەلایەن پەلاماردەرەیل، ئەرا خەستەخانە کلکریاس باوجی بارودۆخی ناجیگیرە".

سەرچەوەیگ پزیشکیش لە قەزای بێجی لە پارێزگای سەڵاحەدین، ئمڕوو سێشەممە، خەوەردا گەنجیگ تەمەن 25 ساڵان لەدویای مەلەکردن لەناو چەم دیجلە خنکیایە، لە باکور پارێزگاگە.

سەرچەوەگ وە ئاژانس شەفەق نیوز وت "گەنجەگە خەڵک قەزای بێجیە، ئەرا مەلە چگەسە ناو چەمەگە باوجی لەچەو دیار نەمەنییە لە دویای وەخت کەمیگ لە چگنە ناو ئاوی، تیمەیل دریاوانەیل  مینەی تەرمەگەی کەن لەناو ئاو".