لە دوو پارێزگای عراق.. پەیاکردن تەرم فەرمانبەریگ لەناو ماڵ ئەفسەریگ و دەسگیرکردن ٣ توومەتبار
شەفەق نیوز/ سەرچەوەیگ ئەمنی، ئمڕوو سێشەممە، خەوەردا لە کوشیان فەرمانبەریگ لەناو ماڵ ئەفسەریگ گەورە لە بەغدای پایتەخت.
سەرچەوەگە ئەرا ئاژانس شەفەق نیوز وت: فەرمانبەریگ لە دیوان پارێزگای بابل، لەناو ماڵ ئەفسەریگ وە پلەی نەقیب لە وەزارەت ناوخۆ لە ناوچەی حەی جیهاد لە بەغداد کوشیا.
سەرچەوەگە وتیش: تەرم فەرمانبەرەگە لەناو ئەو ماڵە پەیا کریا کە چووڵ بویە، و دیاری کرد کە ئەو ئەفسەرە خاوەن ماڵەگە ڵەی مەوقە هالە دەیشت وڵات.
دیاری کرد کە فەرمانبەرەگە وە ١٣ گولە کوشیاس، وەگورەی قسەی پسپۆڕ بەڵگەیی، وتیش؛ تا ئیسە هویردەکاریەیل ئاشکرا نەوینە، و لێکۆڵینەوە ئەرا رەسین وە بندروس رویداوەگە واز کریا.
لەلای خوەییش؛ وەڕیەوبەرایەتی دژە تاوان لە قەزای عەقرە باکوور خوەرهەڵات پارێزگای دهۆک، لە بەیاننامەیگ فەرمی دەسگیرکردن دوو توومەتبار داواکریاگ ئەرا دادگا لەناو شارەگە راگەیان.
لە بەیاننامەیگ رەسیە ئاژانس شەفەق نیوز دیاری کرد کە توومەتبارەیل وەلایەن دادگایا دهۆک داوا کریاوێن وەگورەی مامەی ٤١٢ لە یاسای سزادان.
وتیش؛ تیمەیل دژە تاوان لە عەقرە توەنستن توومەتباریگ سێیەم دەسگیر بکەنر کە وەگورەی یاسای بازرگانیکردن وە ئایەم داوا کریانە.
