لە دوو پارێزگا.. دەسگیرکردن دوو توومەتبار وە کوشتن خانەنشینیگ و بیماری گیانی کەسیگ لەناو زیندان سینێد
لە وەختیگ لە پارێزگای نەجەف کەسیگ لەناو زیندان یەکیگ لە بنکەیل ئەمنی گیانی لەدەسدا.
وەڕیەوبەرایەتی پولیس نەینەوا لە بەیاننامەیگ رەسیە ئاژانس شەفەق نیوز وت: مەفرەزەیل وەڕیەوبەرایەتی پولیس نەسر توەنستن ئاشکرای تاوان کوشتن هاووڵاتییگ خانەنشین و لە کردەویگ تیرۆری زەخمدار بویە و پایلی گڵووڵە بوینە، و لەناو ماڵەگەی لە لای چەپ شار مووسڵ کوشیاگە.
بەیاننامەگە وتیش: مەفرەزەیل پولیس ئەو تاوانکارەیلە دەسگیر کردن ک تاوان کوشتنەگە جیوەجی کردنە و پانزە مەلیۆن دینار عراقی لەماڵی دزینە، ئەوەیش دویای شەش ساعەت لە تاوانەگە و پویلە دزیایەگە و چەقوو تاوانەگە وەپیان بویە، و دیاری کرد ک ریکارەیل یاسایی وەگەردیان جیوەجی کریا و قسەیان وە ئاشکراکردن تاوانەگە توومار کریا.
لەلاییگتر، سەرچەوەیگ ئەمنی لە پارێزگای نەجەف ئەرا ئاژانس شەفەق نیوز وت: کابرایگ لەناو بنکەی دژە تاوان کەرار لەناوڕاس شار نەجەف لەوەر تویشهاتنی وە بیماری ژهراوی خوین گیانی لەدەسدا.
سەرچەوەگە وتیش: زیندانیەگە وە توومەت چەن دزییگ دەسگیر کریاگە.
