لە دوو پارێزگا.. خوەیکوشتن و خنکیان دوو گەنج و زەخمداری چوار کەس وە مرافەیگ خیزانی
شەفەق نیوز/ سەرچەوەیلیگ ئمڕوو شەممە، خەوەردان لە خوەیکوشتن گەنجیگ وە ژەهر خواردن، و زەخمداری چوار کەس لەناو تەقەکردن مرافەیگ خیزانی، و هەمیش هیزە ئەمنییەیلە تەرم گەنجیگ خنکیای لە شار کوت دراوردن.
سەرچەوەگە ئەرا ئاژانس شەفەق نیوز وت: گەنجیگ لەداڵگبوی ساڵ ٢٠٠٣ خوەی وە خواردن ژەهر لەناو ماڵەگەی لە ناوچەی حەی ئوور کوشت، و تەقەلای رەساننی ئەرا خەسخانە سەرنەگرد، تا وەو ژەهرە گیانی لەدەس بەێد.
سەرچەوەگە وتیش: هیزیگ ئەمنی دەسکردە لیکوڵینەوە ئەرا رەسین وە بندروس ئەو خوەیکوشتنە.
لەلایگتر، سەرچەوەیگ ئەمنی خەوەردا ک مرافەیگ خیزانی سەختیگ رەسیە وەکارهاوردن چەک لە ناوچەی زەعفرانیە، و بویە هووکار زەخمداری ٤ کەس وە گولە.
سەرچەوەگە وتیش: ماشینەیل فریاکەفتن زەخمدارەیل وەرەو خەسخانەی نزیکیگ بردن، و دەسکردیا لێکۆڵینەوە ئەرا ئاشکەراکردن تاوانبارەیل ک وەرەو شوین نادیاریگ واینە.
سەرچەوەگەیش لە پارێزگای واست وت: مەفرەزەیل پۆلیس ئاوی تەرم گەنجیگ ١٧ ساڵان لە نزیک پێەڵ ئەنوار لە شار کوت دراوردن، دویای خنکیانی لە چەم دیجلە، و دیاری کرد ک تەرم گەنجەگە وەرەو پزشک یاسایی بریا، تا بڕەسێدە دەس کەسوکاری.
