لە کۆتایی هەفتە واران نوویگ روی کەێدە عراق
2023-12-25T07:47:28+00:00
شەفەق نیوز/ کەشناس عەلی جابر زیادی، ئمڕوو دووشەممە، راگەیان وڵاتەگە ها لە وادەی داوەزیانیگ واراناوی، لە کەمە کەم لە ئیوارەی رووژ چوارشەممەی ئایندە دەسوەپی کەێد.
زیادی وە ئاژانس شەفەق نیوز وت، مەزەنەیل دیاریکەن ئەورە واراناویەگە لە شەوەکی شەفەق و نیمەڕوو لەناوچەیل ناوڕاس و باشوور قویلەو بوود بوودە هووکار واران وارین وە تونی جیاواز و گاجاریگیش وە خەسی وارێد لە بەشەیل خوەرئاوای ناوچەیل ناوڕاس و باشوور لەناویانیش بەغدای پایتەخت.
زیادی وتیش، حالەتەگە لە شەو پەنجشەممە وسیەێد و هاتێ دوارە گلەوبخوەێد، هاتێ لە سەرەتای ساڵ تازە رووژ (٦) کانوون دویەم واران بوود، دووپاتکرد پلەی گەرمی وە نزیکی مینێدێ و شەپۆلەیل سەردی دویرن.
