لە بۆمبەیل تا کوشتن و خنکیان.. ئامار رویداوەیل ئەمنی لە 4 پارێزگای عراقی
شەفەق نیوز - پارێزگایەیل
سەرچەوەیگ ئەمنی لە پارێزگای زیقار، ئمڕوو شەممە، خەوەر دا بۆمبیگ کاڵیاگ دروسکریاگ ناوخوەیی تەقیا بان ماڵ هاووڵاتییگ لە باکوور پارێزگارەگە.
سەرچەوەگە ئەرا ئاژانس شەفەق نیوز وتی، "بۆمبەگە وە بان ماڵ فەرمانبەریگ حکومی لە شارەوانی قەزای ریفاعی باکوور پارێزگای زیقار تەقیە، و تەقینەوەگە بویە مدوو زەردەیل مادی لە دەر ماڵەگە و ماشین کەسە ئامانجگریاگە".
سەرچەوەگە دیاری کرد "هێزەیل ئەمنی شوین رویداوەگە ئاخڵە دان و دەسکردن وە وازکردن لێکۆڵینەوەیگ لە رویداوەگە ئەرا زانین چوینیەتیەگەی".
سەرچەوەگە دیاری کرد کە "هێزەیل ئەمنی شوون رویداوەکە گەمارۆ دان و دەسکردن وە وازکردن لێکۆڵینەوەیگ لە رویداوەکە ئەرا زانین چەنونێچییەیلی".
لە وەختیگ دەزگای ئاسایش هەرێم کوردستان، دەستگیرکردن توومەتباریگ راگەیان وە توومەت کوشتن هاووڵاتییگ لە ئەنجام تەقەکردن لە قەزای (شارەزووڕ) لە پارێزگای سلێمانی.
دەزگاگە لە بەیاننامەیگ وت: "هاووڵاتی ئارام محەمەد حەمە ساڵح، کوشیا وە تەقەکردن لە قەزای (شارەزوور) لە لە 29 تشرین یەکەم/ئۆکتۆبەر 2026"، دیاریکرد ئەوەگ کە "دەزگایەیل ئەمنی، لە دویای رویداوەگە، دەس کردن وە پرۆسەیل شوینکەفتن و لێکۆڵینەوە ئەرا دیاریکردن شووین خوەشاردنەوەی توومەتبارەگە".
وتیش؛ توومەتبارەگە ، ئێوارەی دویەکە، خوەی رادەسکرد وە وەڕێوەبەرایەتی ئاسایش پارێزگای هەڵەبجە، لەورە دەسگیریا وەبان دەوانچەگە کە هن خوەی بوی و وەگەرد ماشینەگەی.
ئاشکاکرد، توومەتبارەگە وەپای سزایەیل مادەی 406 لە یاسای سزادان عراقی دەسوەسەرکریا، لە وەختیگ لێکۆڵینەوەیل ئەرا تەواوکردن دۆسیەی قەزایەگە وەردەوامە.
لای خوەییشەو فەرماندەیی پۆلیس پارێزگای نەجەف، دەسگیرکردن دو توومەتبار راگەیان وە توومەت ئەنجامدان تاوان کوشتن وەرانوەر داڵگ و کوڕەیگ کە تەمەنی 44 ساڵە.
فەرماندەیەگ لە بڵاوکراوەیگ وت: مەفرەزەیل نەهیشتن تاوان نەجەف توەنستن دو توومەتبار دەستگیر بکەن، وە تەقەلاێەیل و چاودێری راستەوخوەی وەلایەن فەرماندەی پۆلیس پارێزگاگە لیوا محەمەد جابر زیاب ئەلفەتلاوی.
لە لایگ ترەک سەرچەوەیگ ئەمنی لە پارێزگای دیالە، خەوەر دا مناڵیگ خنکاس لەئەنجام کەفتن لە چەمیگ لە نزیک ماڵەگەی لە ناحیەی وەجیهیە باکوور وەرهەڵات پارێزگاگە.
سەرچەوەگە ئەرا ئاژانس شەفەق نیوز ئاشکراکرد مناڵە خنکیاگە خوەنەوار قۆناغ سەرەتاییە، و دیاریکرد تەرمەگە داوریا و و ئەرا پزیشکی دادوەری کلریا.
