لە بەغدا و نەینەوا... دۊتێگ خوەی کوشێد و مردن گەنجیگ وە رۊداویگ هاتوچو
2022-02-27T11:38:38+00:00
شەفەق نیوز/ سەرچەوەیگ ئەمنی لە بەغدا، ئمڕوو یەکشەممە، خەوەردا لە خوەکوشتن دۊت 15 ساڵانیگ وە هووکار نادیاریگ، و لەوەر رۊداو هاتوچو پیاویگ لە نەێنەوا گیان لە دەسدا.
سەرچەوەگە وە ئاژانس شەفەق نیوز وت، دۊتیگ لە داڵگبۊی 2006 خوەێکوشتیە وە وەکارهاوردن لەچگەگەی لەناو ماڵ خوەیان لە وەرانوەر یانەی پیشەسازی وەرزشی لە ناوچەی کەمپ سارە ناوراس بەغدای پایتەخت، وە هووکار نادیاریگ.
و دیاریکرد، هێزەیل ئەمنی تەرمەگە کلکردنە ئەرا فەرمانگەی پزشک یاسایی ئەرا تەواوکردن رێکارەیل یاسایی، لێکۆلێنەوە وازکردنە ئەرا زانین هووکار خوەکوشتنەگە.
لە لایگتر، سەرچەوەیگ ئەمنی لە پارێزگای نەێنەوا وە ئاژانس شەفەق نیوز خەوەردا، لە مردن پیاویگ لەناو تەمەن سی ساڵان وە مدووی زەخمداری لە رۊداو هاتوچو لە هەفتەی گوزەشتە لە ری موسڵ - بەغدا نزیک ناحیەی قیارە باشوور شار موسڵ.
