لە بەغدا و دیوانیە...ئەندامیگ ئەمنی ژنەگەی کوشێد و کەسەیل نەناسریایگ جواو گەنجیگ دەن
2023-12-10T10:21:08+00:00
شەفەق نیوز/ ئەندامیگ لە دژە تیرۆر، ئمڕوو یەکشەممە، ژنەگەی کوشت لە باشوور بەغدای پایتەخت.
سەرچەوەیگ ئەمنی وە ئاژانس شەفەق نیوز وت، پیاویگ ژنەگەی کە لە داڵگبوی 2000 کوشتیە لەوەر ناکۆکییگ خیزانی، لە قەزای مەحمودیە.
وەپای قسەی کەسوکار کوشیاگە، کە سەرچەوەگە ئاشکەرایکردیە، پیاوەگە دویەتەیان وە دەوانچە کوشتیە و ئەرا شوین نادیاریگ واریە، دیاریکرد تاوانبار ئەندامە لە دەزگای دژە تیرۆر.
لە دیوانیە، باشوور عراق، سەرچەوەیگ ئەمنیلە پارێزگاگە، ئمڕوو یەکشەممە، خەوەردا لە کوشیان گەنجیگ وە پەلاماریگ چەکداریلەناوڕاس پارێزگاگە.
سەرچەوەگە وە ئاژانس شەفەق نیوز خەوەردا "کەسەیل نەناسریایگ لەناو ماشین تەقە لە گەنجیگ نزیک خەسخانەی شامیە کردنە لەناوڕاس شار دیوانییە ناوەن پارێزگاگە دەسوەجی کوشیایە، وەبی ئەوەگ هووکار تاوانەگە بزانریەد".
سەرچەوەگە ئاشکەرایکرد، تاوانبارەیل واینە ئەرا شوین نادیاریگ، تەرم قوربانیەگە ئەرا ئزیشک دادوەری کلکریایە".
