لە بەسرە وەخوارکەفتن و تلانن و تەقەلای خوەیکوشتن توومارکریا

شەفەق نیوز/ سەرچەوەیگ ئەمنی لە بەسرە باشوور عراق، ئمڕوو دووشەممە، خەوەردا لە رویدان رویداوەیل جیاواز لەناوچەیل جیاواز پارێزگاگە، لە ئەنجام زەخمداریەیل سەختیگ بویە لەناو هاوڵاتیەیل، لەناویان ژن و مناڵ هەس، وەرد تەقەلای خوەیکوشتن.

سەرچەوەگە وە ئاژانس شەفەق نیوز وت "منیگ 25 ساڵان دانیشتگ ناوچەی سەواق سوادی، تویش خوینوەربوین مێشک بویە لە ئەنجام وەخوارکەفتن لەبان ئەسپ لەناو بوسانیگ لە ناوچەی دەواجن".

دیاریکرد "ئەرا چارەسەرکردن کلکریاسە خەستەخانە" ئاشکراکرد "لێکۆڵینەوە لە ریداوەگە وازکریاس.".

لە رویداوترەک سەرچەوەگە دیاریکرد "رویداویگ تلانن مناڵیگ 8 ساڵان رویداس دانشتگ ناوچەی سەحەفییەین، زەبر وەر سەری کەفتیە" وتیش " لە ئەنجام رویداوەگە کەسیگ ترەکیش زەخمدار بوی، ماشین فریاکەفتن و بنکەی پۆلیس لە رویداوەگە خەوەردار کریانە".

لە رویداو سێیەم، تەقەلای خوەیکوشتن گەنجیگ لەداڵڵگبوی 2008ە لە ری خواردن ژەهر مویش لە ئەنجام گیچەڵ خێزانی وەپای لێکۆڵینەوەیل سەرەتایی.

سەرچەوەگە راگەیان، "گەنجەگەئەرا خەستەخانەی زوبێر ناردن تاچارەسەر وەربگرێد و لێکۆڵینەوە لە رویداوەگە وازکریا".