لە بەسرە.. ژنیگ و کوڕەیلەی باوگەگە کوشن
شەفەق نیوز/ ئاژانس هەواڵگری و لێکۆڵینەوەی فیدراڵی لە وەزارەت ناوەخۆ، ئمڕوو یەکشەممە، ئاشکرای تاوان نادیاریگ کرد لە کوشتن پیاویگ لەلایەن ژنەگەی و کوڕەیلی، ئەوەیش لە پارێزگای بەسرە.
ئاژانسەگە لەبەیاننامەیگ وت: تۊنست ئاشکرای تاوان نادیاریگ بکەێد، ئەرا پیاویگ سزیاگ و بۊەسە زوخاڵ و شیوەی نادیارە، و فڕەی دریاسە کنار چەم لە ناحیەی هارسە لە پارێزگای بەسرە. وتیش " ئاشکراکردن ئی تاوانە دۊیای هەواڵەکردن باوەتەگە لەلایەن دادوەر ئەرا ئاژانسەگە هات، ک تەقەلایلی خەسەو کرد لە لێکوڵینەوە وەگەرد ژن و کوڕەیل قوربانیەگە.
وەگورەی قسەی ئاژانسەگە، دۊیای ئەوە ک بەڵگەیلە خریانە وەرچەو توومەتبارەیلە، ئاشکرای ئەوە کردن ک قوربانیەگە لەمەوقەی خەفتنی وە تفەنگ جی سی گولە دانەسە سەری، و بردنەسەی پشت ماڵەگە، و گاز کردنەسە بانی و تەرمەگەی ئاگر دانە تا بۊەسە زوخاڵ و روخساری نەمەنیە.
بەیاننامەگە نشان دا ک ئەو تاوانە لەوەر وڕاوەی خیزانی گەورەیگ لەناویان بۊیە، ک هیشت ژنەگە وەگەرد دوو کوڕەگری کەینوبەین بکەن و ئی تاوان ناشرینە جیوەجی بکەن.
