لەبان میراتی.. کابرایگ لە زیقار خوەشک خوەی کوشێد و شوی خوەشکەگەی زەخمدار کەێد

شەفەق نیوز/ سەرچەوەیگ ئەمنی لە پارێزگای زیقار، ئمڕوو شەممە، خەوەردا لە کوشیان ژنیگ و زەخمداری شویەگەی وە پەلاماریگ چەکدار لە باشوور پارێزگاگە.

سەرچەوەگە ئەرا ئاژانس شەفەق نیوز وت: گەنجیگ خەڵک پارێزگای بەسرە پەلامار ماڵ خوەشکەگەی لەناو تەمەن سی ساڵە دا وە چەک کلاشینکۆف، ئەوەیش لە قەزای سوق شیوخ باشوور پارێزگای زیقار و وەکوتپڕ گیانی لەدەسدا، و شویەگەی زەخمداری سەختیگ بوی.

سەرچەوەگە دیاری کرد ک لێکۆڵینەوەی سەرەتایی نشان دەێد ک پەلامارەگە لەبان میراتی بویە، و تاوانبارەگە وایە، و هیزەیل ئەمنی رەسینە شوین رویداوەگە و تەرمەگە ئەرا پزشک دادوەری کلکردن، و زەخمدارەگە ئەرا خەسخانە.