لەبان پارچە زەوییگ.. کەفتن ٦ زەخمدار ژنیگیش هاناویان لە ئەنجام جەنگ هووزانە لە ناسریە
2023-12-22T08:41:00+00:00
شەفەق نیوز/ سەرچەوەیگ ئەمنی لە پارێزگای زیقار، ئمڕوو جمعە، خەوەردا لە قومیان جەنگ هووزانەی سەختیگ لە باشوور شار ناسریە.
سەرچەوەگە ئەرا ئاژانس شەفەق نیوز وت: جەنگ هووزانەی سەختیگ کەفتە ناوەین کەسەیلیگ لە هووز (ئال جوێبر) لە ناوچەی مزلەگ لە قەزای گورمەت بەنی سەعید باشوور شار ناسریە، وتیش چەک ناوڕاس و سووک لەناو جەنگەگە وەکار هاوریاس.
وتیش: ئەو جەنگ و وەردەوەردە ٦ کەس لەناوی زەخمدار بوین، یەکیگیان ژن بویە کە زەخمەیلی سەختە، و دووپات کرد کە لەبان پارچە زەوییگ ئەو جەنگە رویدایە.
سەرچەوەگە دیاری کرد کە هیزەیل ئەمنی رەسینە شوین رویداوەگە و دەسکردنە هەڵمەت وەشکین وەشوین تاوانبارەیل.
