لە ٤ پارێزگا.. پویچەڵکردن ٦ تەقەلای چزداین دویەتەیل و دەسگیرکردن چزدەرەیل

شەفەق نیوز/ وەزارەت ناوخۆ، ئمڕوو چوارشەممە، دەسگیرکردن شەش کەس راگەیان ک چز شەش دویەت لە چوار پارێزگای عراق دانە.

وەزارەتەگە لە بەیاننامەیگ رەسیە ئاژانس شەفەق نیوز وت: پۆلیس کۆمەڵایەتی توەنست شەش تەقەلای چزداین پویچەڵ بکەێد، ک دوو کەس لە بەغدای پایتەخت تەقەلای چزداین دوو دویەت دانە، و کەسەیلیش لە ئەنجام خود کارەگە کردنە، ویەکیگ لە پارێزگای نەجەف وئەوەکە لە پارێزگای کەرکوک.

دیاری کرد، ریکارەیل لەبان ئەو چزدەرەیلە جیوەجی کریا، و باوەت چزداینەگە سڕینەو.

وتیش: ئی ئۆپراسیۆنەیلە لە دویای رەسین داوای قوربانیەیل هات ک کەفتنەسە وەر چزداین لە کەسەیلیگ تەقەلا دانە ناچاریان وە جیوەجیکردن داوای قیزەورنیان بکەن، یا پویل وەپیان بیەن، یا وینەیلیان لەبان سۆشیال میدیا بڵاو کەن.