لەوەرچەو دارایی پەڕلەمانی ، وەرپرسەیلیگ مانگانە ١٠ مووچە وەرگرن
شەفەق نیوز/ دەسەی دارایی پەڕلەمانی، ئمڕوو یەکشەممە، داوای خاسەوکردن یاسای (گیرهاتگەیل رەفحا) کرد، ویەکسان کردنی وەل یاسای زیندانە سیاسیەگان، وئاشکرا کرد لە هەسی وەرپرسەیلیگ مانگانە ١٠ مووچە وەرگرن.
حەنین قەدو ئەندام دەسەگە ئەرا ئاژانس شەفەق نیوز وت؛ بایەسە هاوسەنگی بوود له ناونی رەفحایەگان و زیندانیە سیاسیەگان، وگرنگە یاسای رەفحا وەگورەی یاسای دەمەزراو زیندانیه سیسیەگان خاسەوبکریه‌ید ، ئەرا ئەنجام داین یەکسانی کۆمەڵایەتی وکەمەوکردن تۆڕەیی شەرعی مله‌ت لەی باوەتە، ودیاری کرد ک گیرهاتگەیل رەفحا کەفتنە ژیر ستەم رژیم وەرین، وه‌لی بایەسە شایستە ومافەیل وەیەکسانی ناونی چینەیل گەل دابەش بکریەێد.
قەدو داواکرد لە دووارە نووڕین لە بەیاننامەیل زیندانیە سیاسیەگان لەسای هەسی فرەیگ لە ئەوانەیگ یاسای زیندانیەگان گریدەوەی لەخاوەن تاوانەیلیگ دویرن لە ستەم رژیم وەرین، ودووپات کرد لە داین شایستەیل ئەرا زیندانیە سیاسیەیل شایسته نەگ ئەرا ئەوانەگ تاوانی ئەنجام دانە ئیجا واینە وەرەو دەیشت وڵاتەگە.
قەدو ئاشکراکرد ك بڕێ له سیاسیەیل دەوڵەت عراقی مانگانە ١٠ مووچە وەرگرن، ویەیش کاریگ رەتگریاگە و رەدبوونە لەبان ماف چینەیل گەل عراق. قەدو رەخنەی چەپڵەیل رەدکردن یاسای مووچەیل رەفحایەگان گرد، ومووچەیل دەزگا چەکیایگان سەروە رژیم وەرین، ک هابان گەردن ئەنجومەن نوێنەران لە دەورەیل وەرین.
