لەماوەی جەژن حکومەت عراق قەیەغەی هاتووچگن چەسپنێد
شەفەق نیوز/ وەزارەت تەندروسی و ژینگە، ئمڕوو چوارشەممە، راگەیان لە رەزامەنی سەلامەتی نیشتمانی ئەرا چەسپانن قەیەغەی هاتووچگن گشتگیر لە ماوەی جەژن قوربان.
ریاز عەبدولئەمیر وەڕیەوبەر گشتی تەندروسی لە وەزارەتەگە لە وتاریگ رۆژنامەی فەرمی سەباح نووسادەی و ئاژانس شەفەق نیوز چەودیری کرد وت: وەزارەت تەندروسی داوای چەسپانن قەیەغەی هاتووچگن گشتگیر کرد لە ماوەی جەژن قوربان، و لە لایەن دەسەی تەندروسی وسەڵامەتی نیشتمانی بڕیاری دریا، لەوەر ئەو کارەسات گەورا ک لە دویای یەک هەفتە لە جەژن رەمەزان بوی کە بویە هووکار بەرزەوبوین تووشهاتنەگان.
وتیش: ئەرا هەفتەیگە تووشهاتنەگان وەردەوامن لە بەرزەوبوین، بەڵکم وەرانوەریان زیایبوین گەورایگ هەس لە ژمارەی خاسەوبویەیل لە بەغاد و پارێزگاگان، وئەیە هەست دڵنیای دەێدە وەرپرسەیل وەزارەتەگە، وئەگەر هاووڵاتیەیل پابەندبون وە ریکارە مقیەتیەگان ژمارەی تووشهاتنەگان کەمەو بوود.
