ليژنه‌ی خارجی وشداری دا له‌باوه‌ت وازكردن باڵوێزخانه‌ی سعودی له عراق
سه‌ميره موسه‌وی ئه‌ندام ليژنه‌گه ئه‌را(شه‌فه‌ق نيوز)وت: ئه‌و به‌ڵگه‌يل ويكيليكسه ك بڵاوه‌و كريانه زانياريه‌يل تازه له‌ناويان نيه له‌بان هه‌واڵگری و سيخوڕيكردن له به‌رژه‌وه‌ندی سعوديه وه‌خاتر زه‌ره‌دڕه‌سانن وه عراق، به‌ڵكوو ئه‌و زانياريه‌يله له‌لای لايه‌ن عراقی وجوود داشتنه‌و ئه‌و به‌ڵگه‌يليشه بته‌وتريه‌و كرد ئه‌را ئه‌وه‌گ بدێده نيشانه‌ی باوه‌ڕ وه‌پيكرياگ ئه‌را گومانكه‌ره‌يل.
موسه‌وی هه‌ميش وت: دويای ده‌رخست چالاكی پيلانگه‌ری و سيخوڕی سعوديه له‌وه‌رانوه‌ر عراق، بايه‌سه له‌بان وزاره‌ت خارجيه‌ی عراقی مه‌سه‌له‌ی وازكردن باڵوێزخانه‌ی سعودی له به‌غدا دويا بخاد ئه‌را وه‌خته‌يليگ تر، چوينكه له‌لايه‌ن ياساييه‌و ئه‌دێده شوونيگ بته‌و سيخوڕيكردن دژ عراق.
جی باسه ماڵپه‌ڕ ويكليكس فيشتر له ٦٠ هه‌زار به‌ڵگه له جه‌م نيم مليۆن به‌ڵگه له‌ژير ناوه‌يل جياجيای باڵوێزخانه‌يل سعودی له جه‌هان بڵاوه‌و كرد، ك له‌تيان ناكووكيه‌يل ناونی سعوديه‌و عراق وه قويلی ده‌ركه‌فتگه.
ج . أ
